Musikë

Bebe Rexha rrëfen gjëra të paditura më herët rreth muzikës së saj

todayMarch 22, 2024 17 4

Background
share close

Këngëtarja shqiptare me famë botërore Bebe Rexha, ka treguar disa gjëra në lidhje me muzikën e saj që nuk kanë qenë të ditura deri më tani. Në një intervistë për Billboard, ajo ka thënë se videoja e saj e preferuar është ajo e këngës “Sacrifice” e cila ishte e inspiruar nga filmi “Blade”.

“Unë dhe shoqet e mija shkojmë të hakmerremi ndaj një personi shumë të keq” ka thënë Rexha. Ajo tutje ka treguar se procesi i incizimit të këngëve të saj gjithmonë ndryshon në momentet e fundit, pasi gjithnjë i ndodhë diçka rrugës dhe dëshiron të shkruajë rreth asaj që i ndodh. “Këngët më të suksesshme të mijat janë ato të cilat i kam filluar t’i punojë pa askënd, vetëm me piano”, është shprehur këngëtarja.

Ylli gjithashtu ka thënë se i pëlqen shumë të performoj në Amsterdam, por edhe kur ka kënduar në Japoni dhe i pëlqen të takojë shumë njerëz nëpër botë. Albumi i saj i parë është quajtur “Expectations” bazuar në një këshillë që i kishte dhënë menaxheri duke i thënë se “gjëja më e mirë në jetë është të mos kesh pritshmëri”.

“Arritja ime e preferuar është trajnimi që kam ndjekur që të bëhem këngëtare e operas. Ishte një program në New York në të cilën është shumë vështirë të hysh. Ai ishte një moment shumë emocionues për mua, sepse unë fitova. Pas fitores në këtë program, zakon është të performosh bashkë me korin në një zonë ekskluzive të Neë Yorkut. Por unë përfundova duke u sëmurë atë ditë por kjo është jeta dhe ja ku jam tash në ‘Billboard Woman In Music” ka thënë shqiptarja.

Written by: admin

Rate it

Post comments (0)

Leave a reply

Your email address will not be published. Required fields are marked *


0%